Welcome to the best Robbie Burns poems on the Internet! I have searched for the most heart-warming, meaningful Robbie Burns poetry on the Net and have presented it here. For those of you who appreciate a good Robbie Burns poem, enjoy! If you have time to kill, why not read them all? :)
|
Robbie Burns Poems and Songs
Here's To Thy Health
Here's to thy health, my bonie lass,
Gude nicht and joy be wi' thee;
I'll come nae mair to thy bower-door,
To tell thee that I lo'e thee.
O dinna think, my pretty pink,
But I can live without thee:
I vow and swear I dinna care,
How lang ye look about ye.
Thou'rt aye sae free informing me,
Thou hast nae mind to marry;
I'll be as free informing thee,
Nae time hae I to tarry:
I ken thy frien's try ilka means
Frae wedlock to delay thee;
Depending on some higher chance,
But fortune may betray thee.
I ken they scorn my low estate,
But that does never grieve me;
For I'm as free as any he;
Sma' siller will relieve me.
I'll count my health my greatest wealth,
Sae lang as I'll enjoy it;
I'll fear nae scant, I'll bode nae want,
As lang's I get employment.
But far off fowls hae feathers fair,
And, aye until ye try them,
Tho' they seem fair, still have a care;
They may prove waur than I am.
But at twal' at night, when the moon shines bright,
My dear, I'll come and see thee;
For the man that loves his mistress weel,
Nae travel makes him weary.
|
